Асығың алшысынан түссін!

Бастауыш сыныптар  апталығында дене шынықтыру пәнінің мұғалімі Мақсутұлы Береке «Асығың алшысынан түссін!» атты сыныптан тыс жұмыс өткізді. 
Асық ату ойыны – ұлттық тәрбие көзі. Ұлтымыздың ұмытылып бара жатқан ойынын жаңғырту, асық ойнату арқылы оқушыларды дәлдікке, мергендікке, ептілікке жеңіске деген құштарлыққа, намысқойлыққа, әділдікке баулу мақсатында  сайыс түрінде өткізілген  іс-шараға оқушылар белсене қатысты. 
Ата-бабаларымыз асық ойыны арқылы баланы жастайынан ой-қабілетін шыңдап, дәлдікке, ептілікке, ширақтылыққа, ұстамдылыққа, алғырлыққа, сыйлыстыққа тәрбиелеген. Асық ойындарының тәрбиелік мәні зор. Асық ойындары әрбір жас баланың намысын қайрап, жеңіске деген талпынысын арттырады. Асық ойынында үнемі отырып-тұру, жүрелей отыру, тізені жартылай бүгу, жиырылу, ширығу жас балалардың денесін шынықтырып, аяқ-қолдағы буын ауруларының алдын алады. Тартысты өткен ойын нәтижесінде Байқоңыр тобы І орын, Қыран тобы ІІ орын; Тұлпар тобы ІІІ орынды иеленіп, барлық оқушылар марапатталды.