Педагогикалық әдеп

Педагогикалық әдеп қағидаттарымен таныстыру, педагогикалық әдеп ережелерін сақтау мақсатында мектебіміздің педагогикалық әдеп төрайымы Адий Аманжол «Педагогикалық әдеп қағидаттары» атты баяндама оқыды. "Педагогикалық әдеп қағидаларын бекіту туралы" 2016 жылғы 8 қаңтардағы заңнамаларға 2020 жылғы 12 мамырда өзгертулер енгізіліп бекітілген «Педагогикалық әдеп қағидалары» туралы заң 3 тараудан тұрады:

1-тарау. Жалпы ережелер

2-тарау. Педагогикалық әдептің негізгі қағидаттары

3-тарау. Педагогикалық әдептің негізгі нормалары

Жалпы ережелерді оқып таныстырып өтті де, 2- тарауды талқылау үшін алдын ала қағидаттарды мұғалімдерге бөліп беріп, кабинеттің әр жеріне ілінген қағидаттардың анықтамасын  мұғалімдер тауып алып,  ортаға түсіндіреді:

1) адалдық

2) әділдік

3) жеке тұлғаның абыройын және қадір-қасиетін құрметтеу

4) патриотизм

5) жалпы адами құндылықтарды құрметтеу және төзімділік     

6) кәсіби ынтымақтастық

7) үздіксіз кәсіби даму

Педагогикалық әдептің негізгі нормаларын да мұғалімдермен бірлесе отырып талқылады. Педагогтың бойында болу керек және болмауы керек қасиеттерді бөліп қарастырды.

Педагогикалық әдеп:
▪ тілдесу, қарым - қатынас жасау кезінде
▪ сөйлесу икемділігінде
▪ оқушылардың іс - әрекеттерін ұйымдастыра алу икемділігінде
▪ өзін - өзі ұстай алу және талап ету икемділігінде
▪ ескерту жасаған кезде
▪ баланың мінез - құлқына баға берген кезде
▪ мадақтау және жазалай білу икемділігінде
▪ дауыс ырғағында  көрініс табатынына тоқталып өтті.

Осындай ерекше үлгіде қызықты ғып өткізген Аманжол мұғалімге алғысымызды айтамыз.

Оқу ісінің меңгерушісі Долий Саулеш